ABŞ prezidenti Donald Tramp Rusiya prezidenti Vladimir Putinlə gözlənilən dialoqu ilə bağlı yeni açıqlama verib.
Publika.az xəbər verir ki, görüşün martın 18-də baş tutması planlaşdırılır.
"Sabah səhər mən prezident Putinlə Ukraynadakı müharibə haqqında danışacağam. Yekun razılaşmanın bir çox elementləri razılaşdırılıb, lakin hələ görüləsi çox şey var", - o, " Truth Social" hesabında yazıb.
Tramp Rusiyanın Ukraynaya qarşı apardığı müharibədə “minlərlə gənc əsgər və digər insanların” həlak olması ilə bağlı sözlərini bir daha təkrarlayıb.
"Hər həftə hər iki tərəfdən 2500 əsgər ölür və bu, indi bitməlidir. Mən prezident Putinlə telefon danışığını səbirsizliklə gözləyirəm", - o deyib.
ABŞ prezidentinin sözlərinə görə, Ukrayna üzrə danışıqlar “kritik mərhələyə” daxil olur. O, Putinlə qarşıdakı söhbətinin çox vacib olacağını vurğulayıb.
