AZ

İsrail Livana zərbələr endirdi

İsrail ordusunun Livanın cənubuna və şərqdəki Qərbi Bekaa bölgəsinə silsilə hava hücumları təşkil etdiyi açıqlanıb.

"Cebheinfo.az" Livanın "NNA" agentliyinə istinadən xəbər verir ki, İsrail bir sıra hava hücumları ilə ölkənin şərqindəki Qərbi Bekaa bölgəsini hədəf alıb.

Hücumlardan dördünün pilotsuz uçuş aparatları (PUA), birinin isə “F-16” döyüş təyyarəsi ilə həyata keçirildiyi bildirilib.

Hücumlarda itkilər barədə məlumat verilməyib.

Qərbi Bekaa bölgəsi səmasında görünən İsrail döyüş təyyarələrinin vaxtaşırı səsdən sürətli uçuşlar etdiyi və ölkənin cənubundakı Nəbatiyyə bölgəsinə də hücumlar təşkil etdiyi qeyd edilib.

Nəbatiyənin Marcayun bölgəsindəki Litani çayının yatağının bombalandığı və Nəbatiyədə də Yahmur əl-Şikeyf qəsəbəsi yaxınlığındakı ərazinin vurulduğu söylənilib.

Digər tərəfdən Livanın Səhiyyə Nazirliyi, İsrail ordusunun Nəbatiyə şəhərinin Yahmur qəsəbəsində bir avtomobilə təşkil etdiyi hücumda ölənlərin sayının 2-yə yüksəldiyini açıqlayıb.

Seçilən
76
cebheinfo.az

1Mənbələr