Haier eyni anda işləyə bilən üç barabanlı paltaryuyan maşın buraxıb.
İnterpress.az xəbər verir ki, Haier dünyanın ilk üç barabanlı paltaryuyan maşınını – Leader Three-Tub Washing Machine təqdim edib.
Yeni məhsul paltarları bir neçə yükə bölmək ehtiyacını aradan qaldıraraq, eyni vaxtda müxtəlif növ və ölçülü əşyaları yumağa imkan verir.
Əsas baraban 10,5 kq üçün nəzərdə tutulub və içərisinə böyük paltar qoymaq daha yaxşıdır.
Hər biri 1 kq üçün nəzərdə tutulmuş iki kiçik baraban alt paltarı və corab üçün nəzərdə tutulub və bütün bunları cəmi 22 dəqiqəyə yuyur,
UV sterilizasiyası kimi faydalı xüsusiyyətləri də var.
Fırlanma sürəti 1400 rpm-ə çatır, cihazın enerji istehlakı isə 1850 Vt təşkil edir. Titrəmələri və iş həcmini azaltmaq üçün dinamik balans sistemi də mövcuddur. Maşının ölçüləri 600 × 570 × 1070 mm-dir.
Yeni məhsulun Çində satışı aprelin 17-də başlayacaq. Qiymət 4999 yuandır (təxm. 1 175 man).
Xuraman Etibarlı
İnterpress.az
