Suriya ordusu ilə “Hizbullah” arasında baş verən toqquşmalardan sonra Suriya və Livan iki ölkə sərhədində atəşkəs barədə razılığa gəlib.
Vətəninfo.az xəbər verir ki , bu barədə Suriya televiziyası məlumat yayıb.
Suriya Müdafiə Nazirliyi, nazirliyin Livan Müdafiə Nazirliyi ilə sərhəddə atəşkəslə bağlı razılığa gəldiyini açıqlayıb. Livanın Milli Xəbər Agentliyi öz növbəsində bildirib ki, Livanın müdafiə naziri Mişel Menassa suriyalı həmkarı Marhaf Abu Kasra ilə iki ölkə arasında sərhəddəki hadisələri müzakirə etmək üçün telefon danışığı keçirib.Martın 16-da Suriya Ordusu ilə Hizbullah arasında sərhəddə yerləşən Quseyr bölgəsində martın 18-də gecə yarısına qədər davam edən toqquşmalar baş verib.Suriya Müdafiə Nazirliyinin martın 16-da Hizbullah üzvlərinin Homsun qərbində yerləşən sərhəd kəndi Zeyta yaxınlığında pusqu quraraq Suriya ordusunun 3 əsgərini qaçıraraq, daha sonra Livan ərazisinə aparması barədə məlumat yaydıqdan sonra sərhəddə vəziyyət gərginləşib.Buna cavab olaraq Suriya ordusunun artilleriyası Hizbullahın Livan sərhədindəki mövqelərini hədəfə alıb. Toqquşmalar Suriya ilə Livan arasında sərhəddə gərginliyin artması fonunda baş verib, burada keçən ay Suriya ordusu ilə Livan narkotik və silah qaçaqmalçılığı qrupları arasında iki ölkənin sərhəd bölgələrində yerləşən qruplar arasında toqquşmalar baş verib.
