Hurriyyet.az xəbər verir ki, Hondurasın qərbində yerləşən Roatan adasında baş vermiş təyyarə qəzasında həlak olanların sayı 12 nəfərə çatıb. 5 nəfər sağ qalıb. Bir nəfər itkin düşüb.
Bu barədə Honduras Milli Polisi sosial şəbəkələrdə məlumat verib.
"Lanhsa" aviaşirkətinə məxsus təyyarə Roatan adasındakı Xuan Manuel Qalves aeroportundan havaya qalxdıqdan dərhal sonra dənizə düşüb. Təyyarənin La-Seyba şəhərinə uçuşu planlaşdırılıbmış.
Honduras Milli Polisinin məlumatına görə, 33 sərnişin yeri olan "Jetstream 41" modelli təyyarənin uçuş zamanı mexaniki nasazlıq baş verib. Təyyarə umuş-eniş zolağından təqribən 1 km məsafədə dənizə düşüb.
Hürr Tərcüman
