Suriya ilə Livan arasındakı sərhəd münaqişəsində atəşkəs əldə edilib.
"Cebheinfo.az" xəbər verir ki, bu barədə Suriyanın rəsmi xəbər agentliyi “SANA”-nın Müdafiə Nazirliyinin mətbuat xidmətinə istinadən verdiyi xəbərdə bildirilir.
Razılaşma çərçivəsində iki ölkə arasında hərbi koordinasiya və əməkdaşlığın artırılması qərara alınıb.
Livan Müdafiə Nazirliyindən verilən yazılı açıqlamada nazir Mişel Menassanın suriyalı həmkarı Murhef Əbu Kasra ilə telefonla danışdığı bildirilib.
Görüşdə iki ölkə arasında sərhəd bölgələrində baş verən insidentlər müzakirə edilib və aşağıdakılar qeyd olunub:
"Tərəflər atəşkəs barədə razılığa gəliblər. Həmçinin iki ölkə sərhədində vəziyyətin pisləşməsinin qarşısını almaq və günahsız mülki əhalinin itki verməsinin qarşısını almaq üçün Livan və Suriya ordularının kəşfiyyat bölmələri arasında əlaqənin davam etdirilməsi ilə bağlı razılıq əldə olunub".
“Hizbullah” isə verdiyi açıqlamada Suriya-Livan sərhədində baş verən hadisələrlə heç bir əlaqəsi olmadığını iddia edib.
Suriya ordusunun 3 əsgərinin sərhəddə öldürülməsindən sonra Livanın şərqi sərhədində raket və artilleriya bölmələrində atəş tapşırıqları yerinə yetirilib.
