Mövzu ilə bağlı politoloq Tural İsmayılov Olaylar.az-a açıqlama verib.
"Nikol Paşinyanın sülh məsələsində beynəlxalq ictimaiyyəti aldatmaqla məşğuldur və onun bütün addımları yalandır. Paşinyan yaxşı bilir ki, Azərbaycan və Ermənistan arasında sülhün əldə edilməsi üçün böyük məsafələr qət edilsə də, faktiki olaraq Ermənistanın bəzi öhdəlikləri var ki, o öhdəlikləri yerinə yetirmir. Bu hal Azərbaycanla Ermənistan arasında yekun sülh müqaviləsinin imzalanmağı ehtimallarını kifayət qədər ləngidir. Bugün Ermənistan yaxşı anlayır ki, sülh müqaviləsinin yeganə şərtlərindən biri üzərinə düşən öhdəlikləri yerinə yetirməkdir. Azərbaycana qarşı ərazi iddiaları olan konstitusiyasını dəyişsin və Azərbaycanın daxili işlərinə qarışmasın. Son zamanlar Ermənistanın həm Azərbaycanın daxili işləri ilə bağlı verdiyi dırnaqarası açıqlamalar, ötən həftəsonu sərhəddə təxribatlar törətməyə çalışması onu göstərir ki, ikili oyunlar aparılır. Bugün Ermənistan beynəlxalq ictimaiyyəti guya Ermənistan sülhə hazırdır kimi göstərməyə çalışır, amma reallıqda Azərbaycanla gərginliyin qalmağına da maraqlıdır. Onun Makrona, Putinə zəng vurub , sülh ilə bağlı hansısa məsləhətlər alması ikiüzlülükdən başqa bir şey deyil. Bugün Paşinyan sülhlə bağlı məsələni öncə Azərbaycanla müzakirə etməli və üzərinə düşən öhdəlikləri yerinə yetirməlidir. Sonra təlimat aldığı paytaxta zəng vura bilər. Faktiki olaraq onun bugün etdiyi zəng vurduğu dövlət rəhbərlərini də aldatmağa yönəlmiş manevrlərdir".
Zeynəb Mustafazadə
