Katoliklərin ruhani lideri, Vatikanın rəhbəri Papa Fransisk müalicə aldığı xəstəxanadan göndərdiyi məktubda dünyanın tərksilah edilməsinə çağırıb.
Publika.az xəbər verir ki, 88 yaşlı Papa İtaliyanın “Corriere della Sera” qəzetinə məktub göndərib.
Papa məktubunda xəstəxanada olan bu müddət ərzində müharibələrin ona daha da mənasız göründüyünü bildirib.
O, rabitə vasitələrinin dünyada hər kəsi anında birləşdirdiyini və sözlərin böyük əhəmiyyət daşıdığını vurğulayıb:
"Onlar heç vaxt sadəcə söz deyillər. Onlar insan mühitini yaradan reallıqlardır. Sözlər insanları birləşdirə və ya ayıra bilər. Onlar həqiqətə xidmət edə və ya faydalana bilər. Biz sözləri silahsızlaşdırmalıyıq ki, zehni və dünyanı da silahsızlaşdıra bilək. Dərin düşünməyə, sakitliyə və hadisələrin mürəkkəbliyini başa düşməyə böyük ehtiyac var. Müharibə icmaları, ətraf mühiti məhv etməkdən başqa heç bir məqsədə xidmət etmir və münaqişələrə yeni həll yolları təklif etmir".
