Üç postsovet respublikası dünyanın ən büdcəli istirahət yerləri onluğuna daxildir. Mütəxəssislər bir günlük səyahət xərclərini hesablayıblar.
“HelloSafe” portalının ekspertləri turistlərin səfər etməklə pula qənaət edə biləcəyi ölkələrin siyahısını təqdim ediblər. Üç postsovet ölkəsi - Qazaxıstan, Gürcüstan və Ermənistan ən büdcəli tətil variantlarının onluğuna daxildir.
Hesablama üçün əsas kimi mütəxəssislər səyahətçilərin orta gündəlik xərclərinin məbləğini seçiblər.
Siyahıda Laosdan sonra Qazaxıstan ikinci olub. Burada orta gündəlik xərclər 20 dollardır.
Reytinqdə Ermənistan altıncı, Gürcüstan isə səkkizinci yerdədir. İlk onluğu Myanma tamamlayıb. Burada orta xərclər 20 dollardan bir qədər çox olacaq.
Ümumilikdə 130-dan çox turizm marşrutu ekspertlər tərəfindən təhlil edilib.
