Rusiyanın “Dünya Silah Ticarətinin Təhlili Mərkəzi” 2024-cü ilin nəticələrinə əsasən silah ixrac edən 20 ən böyük ölkənin reytinqini təqdim edib.
“Poliqon” “Dünya Silah Ticarətinin Təhlili Mərkəzi”nin rəsmi saytına istinadən xəbər verir ki, reytinqi hazırlayarkən Mərkəzin mütəxəssisləri ixracatçı ölkələr tərəfindən silah və hərbi texnikanın tədarükü üçün yalnız identifikasiya edilmiş müqavilələri nəzərə alıblar.
Reytinqdəki yerlər aşağıdakı kimi paylanıb:
ABŞ – 42,329 milyard ABŞ dolları (37,92%)
Rusiya – 13,75 milyard ABŞ dolları (12,32%)
Fransa – 7,698 milyard ABŞ dolları (6,90%)
Cənubi Koreya – 5,691 milyard ABŞ dolları (5,10%)
İtaliya – 5,690 milyard ABŞ dolları (5,10%)
Almaniya – 5,424 milyard ABŞ dolları (4,86%)
İsveç – 4,254 milyard ABŞ dolları (3,81%)
İsrail – 4,163 milyard ABŞ dolları (3,73%)
Norveç – 3,293 milyard ABŞ dolları (2,95%)
Çin – 3,216 milyard ABŞ dolları (2,88%)
İspaniya – 3,152 milyard ABŞ dolları
Böyük Britaniya – 2,552 milyard ABŞ dolları
Türkiyə – 2,536 milyard ABŞ dolları
Niderland – 2,183 milyard ABŞ dolları
Avstraliya – 1,107 milyard ABŞ dolları
İsveçrə – 757 milyon ABŞ dolları
Polşa – 620 milyon ABŞ dolları
Kanada – 454 milyon ABŞ dolları
Hindistan – 430 milyon ABŞ dolları
Braziliya – 410 milyon ABŞ dolları
Bundan başqa, Mərkəz dünyada ən çox tələb olunan silahların adını da açıqlayıb. Mərkəzin təhlilinə görə, aviasiya və hava hücumundan müdafiə (HHM) sistemləri qlobal silah bazarında ən çox tələb olunan kateqoriyalar olaraq qalır.
Dəyər baxımından 2025-2028-ci illər üçün silah növlərinin ixrac satışlarının həcmi aşağıdakı kimi bölüşdürülüb:
Aviasiya texnikası – 175,022 milyard ABŞ dolları (30,62 faiz);
HHM sistemləri – 76,460 milyard ABŞ dolları (13,38 faiz);
Zirehli texnika – 76,217 milyard ABŞ dolları (13,34 faiz).
İlk beşliyə həmçinin 11,53 faiz payla hərbi-dəniz texnikası və 10,97 faiz payla helikopterlər daxil edilib. Altıncı yeri 6,01 faiz payla raket-artilleriya silahları tutur, pilotsuz uçuş aparatları (PUA) isə ümumi həcmin 2,67 faizini təşkil edir. Bununla belə nəzərə almaq lazımdır ki, ümumi pilotsuz sistemlər əksər HHM sistemləri və ya pilotlu təyyarələrdən xeyli ucuzdur.
Əhəd Vahidoğlu
