Martın 19-u səhər saatlarından etibarən Türkiyədə “X”, “Instagram”, “YouTube”, “WhatsApp” və “Facebook” kimi sosial media platformalarına daxil olmaqda problemlər yaranıb.
Publika.az xəbər verir ki, istifadəçilər tərəfindən platformalara giriş qadağasının tətbiq olunduğu kimi iddialar irəli sürülsə də, məsələ ilə bağlı hələ rəsmi açıqlama verilməyib.
Mobil cihazlar vasitəsilə daxil olan istifadəçilərin giriş problemlərini daha intensiv yaşadığı, bəzi istifadəçilərin ümumiyyətlə hesablarına daxil ola bilmədikləri qeyd olunur.
Giriş problemlərinin yaşandığı saatlarda İstanbul Baş Prokurorluğu İBB sədri Əkrəm İmamoğlu və 100-dən çox şəxs haqqında həbs qərarı çıxarıb. İstintaq çərçivəsində İmamoğlunun evində polis axtarışı aparılıb, həmin müddət ərzində platformalara giriş problemlərinin olması diqqət çəkib.
Ekspertlər Türkiyədə zaman-zaman tətbiq edilən "throttling" (İnternet bağlantısı üzərində mövcud olan sürətin qəsdən aşağı düşürülməsi) üsulunun qüvvədə ola biləcəyini söyləyirlər.
