Bəs problemin həll yolu nədir?
Bu barədə nəqliyyat eksperti Aslan Əsədov Demokrat.az-a açıqlama verib.
O bildirib ki, Ramazan ayının başlaması ilə şəhərdə tıxaclar daha da artıb:
“Burada əsas məsələ iftar vaxtı ilə işdən çıxış saatının üst-üstə düşməsidir. Buna görə də şəhərdə sıxlıq yaranır. Hazırda nəqliyyat vasitələrinin hərəkəti daha da gərginləşib. Martın 18-nə qədər bu sıxlığın davam edəcəyini gözləyirik. Daha sonra isə uzunmüddətli tətil başlayacaq və sıxlıq azalacaq.
Problemin həlli isə əsasən insanların anlayışlı davranmasından asılıdır. Bu məsələdə aidiyyəti qurumların da rolu vacibdir. Avtobuslar daha az intervalla hərəkət etsə, bu da sərnişinlərin narazılığını azalda bilər. Ümumilikdə isə sıxlığın azaldılması üçün həm sürücülər, həm də sərnişinlər daha səbirli və anlayışlı olmalıdır”.
Leyla Turan
Demokrat.az
