Malayziya Hava Yollarına məxsus təyyarənin yoxa çıxması bütün zamanların ən böyük aviasiya sirlərindən biri olaraq qalır. 239 nəfərin olduğu kommersiya sərnişin təyyarəsinin itməsindən 11 il keçir.
News24.az xəbər verir ki, Malayziyanın nəqliyyat naziri Loke Siew Fook itən Malayziya təyyarəsi ilə bağlı açıqlama verib.
O, itkin düşən Malaysia Airlines MH370 reysinin qalıqlarının axtarışına yenidən başlamaq üçün Ocean Infinity ilə razılaşmanın şərtlərini qəbul etdiyini bildirib.
Nazir açıqlamasında bildirib ki, qərar Cənubi Hind okeanında 15 min kvadrat kilometr ərazini əhatə edir.
Axtarışlarda istifadə edilən “Armada 7806” dərin su dəstək gəmisi keçən ay Hind okeanında axtarış bölgəsinə çatıb.
Dəniz dibinin kəşfiyyatı yeni yerdə başlayacaq və “tapılmazsa, ödənişsiz” prinsipi əsasında davam etdiriləcək.
Qeyd edək ki, təyyarənin qalıqları uğurla tapılarsa, şirkət 70 milyon dollar ödəniş alacaq.
Eyni zamanda, geniş işlərə, o cümlədən sualtı axtarışlara baxmayaraq, təyyarənin qalıqları heç vaxt tapılmayıb. 10 ildən çox vaxt keçdikdən sonra təyyarəyə aid olduğu təsdiqlənən yalnız bir neçə parça dağıntı Hind okeanındakı adalarda yuyulmuş halda tapıldı.
Günel Məlikzadə
