Ferran Torres zədə səbəbindən İspaniya millisinin növbəti matçını buraxa bilər.
İdmanxeber.az-ın məlumatına görə, “Barselona”nın oyunçusu “Atletiko” ilə matçda (4:2) zədələnib. Ferran İspaniya millisi ilə bugünkü məşqdə zalda fərdi məşq edib.
Futbolçunun cümə axşamı Niderlandla Millətlər Liqasının 1/4 final mərhələsinin ilk oyununda iştirakı şübhə altındadır. Cinah oyunçusu görüş üçün heyətdən kənarda qalan üç futbolçudan biri ola bilər.
