Ukraynada tam hüquqlu atəşkəsə bir neçə həftə ərzində nail olmaq olar.
NOCOMMENT.az xəbər verir ki, bu fikri ABŞ prezidentinin xüsusi nümayəndəsi Stiven Uitkoff Bloomberg TV-nin efirində deyib.
“Yaxın günlərdə tam atəşkəslə bağlı danışıqlar aparılacaq. “Düşünürəm ki, biz tapşırığı bir neçə həftəyə tamamlaya bilərik”, – deyə o vurğulayıb.
Uitkoffun sözlərinə görə, Ukraynada hərbi əməliyyatların dayandırılması şərtlərini müzakirə etmək üçün gələn həftənin əvvəlində Rusiya və ABŞ nümayəndələri arasında Səudiyyə Ərəbistanında görüşlər planlaşdırılır. ABŞ prezidentinin xüsusi nümayəndəsi vurğulayıb ki, bu, ekspertlər səviyyəsində danışıqlar olacaq.
