"Real"ın baş məşqçisi Karlo Ançelotti "Komo"nun futbolçusu Niko Pas haqda danışıb.
QOL.az İspaniya mətbuatına istinadən xəbər verir ki, mütəxəssis deyib:
"Niko Pas bizim oyunçudur. Onun İtaliyadakı inkişafını daimi olaraq izləyirik. Mövsümün sonunda isə onun gələcəyi ilə bağlı qərar verəcəyik. O, "Komo"da əla çıxış edir. Bizim bununla bağlı heç bir şübhəmiz yox idi. O, çox yaxşı futbolçudur".
Qeyd edək ki, Niko Pas "Real"ın yetirməsidir. O, ötən ilin avqust ayında "Komo" ilə 2028-ci ilə qədər müqavilə imzalayıb. Argentinalı yarımmüdafiəçi bu müddət ərzində 27 oyuna çıxaraq 6 qol vurub və 6 qolun ötürməsini edib.
