Futbol üzrə UEFA Çempionlar Liqasının (ÇL) 2026/2027-ci illər mövsümünün final matçının keçiriləcəyi məkan bəlli olub.
Arena.az xəbər verir ki, həlledici qarşılaşma İspaniyanın paytaxtı Madrid şəhərində təşkil olunacaq.
Final matçı Madrid “Atletiko”sunun ev oyunlarını keçirdiyi “Estadio Metropolitano”da baş tutacaq. Arenanın tamaşaçı tutumu 70,460 nəfərdir.
Xatırladaq ki, UEFA Çempionlar Liqasının 2026/2027-ci illər mövsümünün final matçının təşkilinə Madridlə yanaşı, Azərbaycan paytaxtı Bakı da namizəd idi. Amma sonda UEFA İcraiyyə Komitəsi qarşı tərəfə üstünlük verilib.
Qeyd edək ki, “Estadio Metropolitano” ikinci dəfə ÇL-in final matçına ev sahibliyi edəcək. İlk dəfə 2018/2019-ci illər mövsümünün həlledici matçında “Liverpul” “Tottenhem”lə qarşılaşıb. İngiltərə derbisində “qırmızılar” 2:0 hesabı ilə qalib gəliblər.
