Almaniyalı qapıçı Manuel Noyer milli karyerasını yenidən bərpa edə bilər.
"Bavariya"nın qapıçısı Manuel Noyer Almaniya millisinə qayıda bilər.
Operativ Media xəbər verir ki, bu haqda "Bild" nəşri məlumat yayıb.
Mənbənin məlumatına görə, Almaniya Futbol Assosiasiyası (DFB) 2024-cü ilin sentyabrında dizindən əməliyyat olunan və mövsümün qalan hissəsini yaşıl meydanlardan kənarda qoyan "Barselona"nın qapıçısı Mark-Andre ter Ştegenin zədəsi ilə əlaqədar 38 yaşlı qolkiperin geri qaytarılması variantını nəzərdən keçirir .
Noyer 2024-cü ilin avqustunda milli karyerasını bitirdiyini açıqlamışdı. Almaniya millisinin heyətində qapıçı 2014-cü il Dünya Çempionu və 2010-cu il Dünya Kubokunun bürünc mükafatçısı, həmçinin Avropa Çempionatının ikiqat bürünc mükafatçısı olub.
