“Əl-Nəsr” və Portuqaliya millisinin hücumçusu Kriştiano Ronaldo qastronomik üstünlüklərini bölüşüb.
Bakıvaxtı.az Lent.az-a istinadla xəbər verir ki, 40 yaşlı portuqaliyalının formada qalmasına kömək edən sevimli yeməyi Bacalhau à Brasdır. Bu, doğranmış duzlu balıq, soğan, xırda doğranmış qızardılmış kartof, yumurta və zeytundan ibarət ənənəvi Portuqaliya yeməyidir.
Bu yeməyin bir porsiyası (300 qram) təxminən 28 qram protein və 29 qram karbohidrat ehtiva edir ki, bu da Ronaldonun qidalanma prinsiplərinə mükəmməl uyğun gəlir. Portuqaliyalı ulduz şəkər və spirtdən uzaq durması və yalnız yüksək proteinli qidalara üstünlük verməsi ilə tanınır
Bacalhau à Bras kifayət qədər tez hazırlanır və Ronaldo üçün xüsusi məna daşıyır, çünki anası onu uşaqlıqda tez-tez hazırlayıb. Lissabondakı Kriştiano restoranında ailə resepti ilə hazırlanmış bu yeməyi dadmaq olar.
