Videoredaktə üzrə mütəxəssis Aleks Soler UEFA-nın ünvanına iddialı açıqlaması ilə futbol ictimaiyyətinin diqqətini cəlb edib.
Arena.az “Marca” nəşrinə istinadən məlumat verir ki, Soler Çempionlar Liqasının 1/8 finalının “Atletiko” (Madrid) – “Real” arasındakı cavab oyununun penaltilər silsiləsindəki mübahisəli məqamla bağlı açıqlma verib.
Xatırladaq ki, səfərdəki ilk oyunda 0:1 hesabı ilə məğlub olmuş “döşəkçilər”, cavab oyununda eynihesablı qələbə sayəsində oyunu penaltilər silsiləsinə daşısalar da, burada 2:4 hesablı acı məğlubiyyətə üzülüblər.
Oyunsonrası penaltilər silsiləsində hesab 2:1 “Real”ın xeyrinə ikən “döşəkçilər”in ikinci penaltisini vurmaq üçün “nöqtə”yə yaxınlaşmış argentinalı hücumçu Xulian Alvares dəqiq olsa da, zərbənin icrası zamanı texniki naşılığa yol verib. Alvares zərbə vurmaq istəyərkən büdrəyərək, sürüşüb. Hakim argentinalı futbolçunun topa iki dəfə toxunuş etdiyini əsas gətirərək, qolu ləğv edib. Beləcə “Real” həm hesab və həm də psixoloji üstünlüyünü saxlayaraq, penaltilər silsiləsini öz xeyrinə uğurla başa vurub.
Aleks Soler bəyan edib ki, UEFA müvafiq məqamla bağlı yayımladığı videoçarxı “düz-qoş” edib:
“Mən redaktə etməyi bacarıram. Bu videonu görəndə, bu, mənə qəribə təsir bağışladı. Keyfiyyəti çox pisdir, həm də kölgələrin yox olduğu təəssüratı yaradır. Gölgələr kadrbakadr dəyişir, amma qolaylanmanın axırıncı anında onlar ancaq ot örtüyü üzərində dəyişir, top üzərində isə hər şey oldğu kimi qalır. Bu, mənə çox şübhəli gəldi. Mənim məntiqi izahım yoxdur. Bütün bəndlər üzrə mənim belə bir mülahizəm var ki, bu, redaktəedilmiş bir videodur”, deyə Soler videonu diqqətlə öyrənib təhlil edərək, vurğulayıb.
Üstəlik, Soler müvafiq qənaəti əsasında, belə bir videoçarx ərsəyə gətirə biləcəyini də bildirib. Soler həmçinin öz mülahizəsinin yalnız bir ehtimal olduğunu dəfələrlə vurğulayıb.
Əlavə edək ki, bu qalmaqallı məqam nəinki İspaniya, hətta dünya mətbuatı miqyasında hələ də qızğın surətdə müzakirə edilir. Əlacsız və üzülmüş “Atletiko” düşərgəsinin və klub azarkeşlərinin isə etirazla boğaz yırtmaqdan başqa edəcəyi qalmayıb.
