Bu gün Türkiyə Prezidenti Rəcəb Tayyib Ərdoğanın rəhbərliyi ilə Milli Təhlükəsizlik Şurasının iclası keçiriləcək.
Yeniavaz.com TRT-yə istinadla xəbər verir ki, iclasın əsas mövzusu Türkiyədə terror təşkilatlarının fəaliyyətinin sona çatdırılması istiqamətində görülən işlər olacaq.
İclasda, həmçinin Suriya məsələsi də müzakirə olunacaq.
“Rəsmi Dəməşqlə SDQ (Suriya Demokratik Qüvvələri) arasında əldə olunan razılaşmalar müzakirəyə çıxarılacaq. Xarici işlər naziri Hakan Fidan, milli müdafiə naziri Yaşar Güler və Milli Kəşfiyyat İdarəsinin rəhbəri İbrahim Kalın Suriya hakimiyyəti ilə baş tutan görüşlər barədə hesabat verəcək”, - TRT yazır.
