ABŞ prezidenti Donald Tramp administrasiyasının federal hökuməti ixtisar etmək planının bir hissəsi olaraq sınaq müddəti ərzində işdən çıxarılan təxminən 25 min federal hökumət əməkdaşını işə bərpa etməyə çalışdığı bildirilir.
Turkustan.az xəbər verir ki, Tramp administrasiyası iki federal hakimin işdən çıxarılan minlərlə federal hökumət əməkdaşının işə bərpa olunması barədə göstəriş verməsindən sonra hərəkətə keçib.
Məhkəmə sənədlərinə əsasən, 18 nazirlik və qurumun vəzifəli şəxsləri bu qərarlara əsasən işdən çıxarılan sınaq müddətində olan işçilərin işə bərpa olunması üçün bəyannamələr təqdim ediblər.
Bəyanatda işdən çıxarılan federal işçilərin bərpası üçün görülən səylər ətraflı təsvir edilib.
Bildirilib ki, işə bərpa olunan işçilərin bilavasitə işə qayıtmaları üçün birinci mərhələdə inzibati məzuniyyətə göndəriləcək.
Məhkəmə işçilərin bərpası səylərini "mənalı irəliləyiş" kimi qiymətləndirib.
Aytən Yaşar/ Turkustan.az
