“Rusiya ABŞ nümayəndələrini təhlükəsizlik məsələlərinə cavabdeh olan yüksəksəviyyəli nümayəndələrin may ayında keçiriləcək beynəlxalq toplantısına dəvət edəcək”.
“Qafqazinfo” TASS-a istinadən xəbər verir ki, bu sözləri Rusiya Təhlükəsizlik Şurasının katibi Sergey Şoyqu deyib.
O bildirib ki, artıq 100-dən çox ölkə nümayəndələrinin qarşıdan gələn görüşdə iştirakını təsdiqləyiblər.
Qeyd edək ki, təhlükəsizlik məsələlərinə cavabdeh olan yüksəksəviyyəli nümayəndələrin beynəlxalq toplantısı 2010-cu ildən Rusiya Federasiyası Təhlükəsizlik Şurasının himayəsi altında keçirilir. Bu il isə mayın 27-29-da Moskvada keçiriləcək.
