Fransa prezidenti Emmanuel Makronun təşəbbüsü ilə martın 27-də Fransa Ukrayna ilə bağlı yeni sammitə ev sahibliyi edəcək.
Publika.az xəbər verir ki, bu barədə “Politico” mənbələrə istinadən məlumat yayıb.
“Makron Ukrayna və Avropada təhlükəsizliyi müzakirə etmək üçün martın 27-də bir qrup Avropa liderini qəbul etməyi planlaşdırır”, – nəşr rəsmilərə istinadən qeyd edib.
Bildirilir ki, gələn həftə Avropa ölkələri və Vladimir Zelenskinin iştirakı ilə Ukrayna məsələsi ilə bağlı görüşün keçiriləcəyini açıqlayan Fransa prezidenti bunları deyib:
"Tədbir zamanı Ukrayna ordusuna qısamüddətli dəstək, Rusiyanın işğalının qarşısını almaq üçün Ukrayna ordusunun dayanıqlı və uzunmüddətli modelinin qorunması, daha sonra isə təhlükəsizlik təminatları üzərində iş tamamlanacaq".
