Gədəbəydə sərxoş kişi yarğana yığılaraq ölüb. Gədəbəydə 48 yaşlı kişi bədbəxt hadisə nəticəsində həyatını itirib.
Bizim.Media-nın yerli bürosunun xəbərinə görə, martın 19-da Gədəbəy rayon Moruqlu kəndinin ərazisində kənd sakini 1977-ci il təvəllüdlü Ə. Əsgərov sərxoş vəziyyətdə yaşadığı evə gedərkən yarğana sürüşüb yıxılıb. O həmin yerdə ölüb.
Ə.Əsgərovun meyiti martın 20-də tapılıb. İlkin versiyaya görə sərxoş kişinin yarğana yıxılmasının səbəbi havanın yağışlı və torpaq səthinin sürüşkən olması olub.
Ölüm faktı ilə bağlı Gədəbəy rayon prokurorluğunda araşdırmalar aparılır.
Məqsəd Rəhimov, Bizim.Media, Qərb bürosu
Nə baş verir?
