"İnter Mayami"nin hücumçusu Lionel Messi klubunu tərk edə bilər.
İdman.biz “TNT Sports”a istinadən xəbər verir ki, "Barselona" futbolçunun geri qaytarılması üzərində işləyir.
“Blauqrana”nın planı Messinin 2026/2027 mövsümü başlamazdan əvvəl Kataloniya komandasında görməkdir.
Bildirilir ki, Messinin geri dönməsi ilə bağlı danışıqlar "Barselona"nın ağır maliyyə vəziyyəti səbəbindən çətin keçəcək.
Qeyd edək ki, 37 yaşlı Messi 2023-cü ilin yayında "İnter Mayami"yə keçib. Futbolçunun klubla hazırkı müqaviləsi 2025-ci ilin sonuna kimi nəzərdə tutulub. Transfermarkt portalında futbolçunun bazar dəyəri 20 milyon avrodur.
İdman.biz
