ABŞ qiyməti aşağı salmaq üçün Koreya Respublikası və Türkiyədən yumurta idxal edir. Kazinform agentliyi Sinxua-ya istinadən xəbər verir ki, bunu cümə günü ABŞ-ın kənd təsərrüfatı naziri Bruk Rollins deyib.
Onun sözlərinə görə, artıq iki ölkədən idxal başlayıb və digər ölkələrdən də tədarüklə bağlı danışıqlar aparılır.
"Söhbət qısa müddətdə yüz milyonlarla yumurtadan gedir", - rəsmi qeyd edib.
İlkin məlumatlara görə, ABŞ-da Miçiqan Universitetinin hesabladığı istehlakçı inamı indeksi mart ayında 57,9 bəndədək azalıb. Bu, inflyasiyanın yüksəlməsi fonunda 2022-ci ilin noyabrından bəri ən aşağı göstəricidir ki, bunun da əlamətlərindən biri yumurta qiymətlərinin davamlı artması idi.
