Portuqaliya millisinin kapitanı Kriştianu Ronaldo ardıcıl 22 il milli komanda səviyyəsində qol vuran ilk futbolçu olub.
Msport.az xəbər verir ki, 40 yaşlı hücumçu Millətlər Liqasının 1/4 final mərhələsində Danimarka ilə cavab oyununda fərqlənməklə tarixə düşüb.
Qarşılaşmanın 72-ci dəqiqəsində fərqlənən forvard karyerasındakı qol sayını 929-a çatdırıb. O, bunun 136-nı Portuqaliya millisinin heyətində vurub. Ronaldo 2004-cü ildən bəri hər il yığmada qol vurmağı bacarır.
Qeyd edək ki, Portuqaliya yığması Danimarka üzərində 5:2 hesablı qələbə qazanaraq yarımfinala yüksəlib.
