Bu gün futbol üzrə UEFA Millətlər Liqasında 2024/2025-ci illər mövsümünün 1/4 final mərhələsinin cavab oyunları keçirilib.
Arena.az xəbər verir ki, qarşılaşmaların hamısı eyni günə təsadüf edib.
Bu mərhələdə yarışın A Liqasının 4 qrup qalibi və 4 qrup ikincisi növbəti dəfə üz-üzə gəliblər.
1/4 finalın Fransa – Xorvatiya matçının nəticəsi bizim üçün də önəmli idi. Çünki bu komandalar hazırda Azərbaycan millisinin DÇ-2026-nın seçmə mərhələsində potensial rəqibləriydi. Bu cütün qalibi Ukrayna, İslandiya və Azərbaycan millisinin yarışacağı DÇ-2026-nın D qrupunun sonuncu – 4-cü komandası olacaqdı. İlk oyunda 2 cavabsız qolla uduzmuş fransızlar doğma meydanda oxşar hesabla qalib gəliblər. Cütün qalibi isə penaltilər seriyasında müəyyənləşib. 11 metrlik zərbələri daha dəqiq yerinə yetirmiş fransızlar həm yarımfinala vəsiqə qazanıblar, həm də Azərbaycan millisinə rəqib olublar.
Almaniya səfərdə məğlub etdiyi İtaliya millisini bu dəfə evdə sınağa çəkib. Altı qolluq cavab görüşündə qalib müəyyənləşməyib. Bu isə almanları yarımfinala daşıyıb.
Portuqaliya yığması səfərdə uduzduğu Danimarka seçməsini doğma meydanda çətinliklə də olsa, məğlub etməyi bacarıb.
İspaniya millisi Niderland yığması ilə cavab görüşünü evdə keçirib. İlk oyunda olduğu kimi, cavab görüşündə də məhsuldar heç-heçə qeydə alınıb. Bu cütün qalibi də penaltilər seriyasında müəyyənləşib. 11 metrlik zərbələrdən daha dəqiq istifafə etmiş ispanlar yarımfinala yüksəliblər.
UEFA Millətlər Liqası
1/4 finalın cavab oyunları
23 mart
Fransa – Xorvatiya 2:0 (penaltilər 5:4
Qollar: Olise, 52. Dembele, 80.
İlk oyun – 0:2
Almaniya – İtaliya 3:3
Qollar: Kimmix, 30-pen. Musiala, 36. Klayndienst, 45 – M.Kin, 49; 69. Raspadori, 90+5-pen.
İlk oyun – 2:1
Portuqaliya – Danimarka 5:2
Qollar: Andersen, 38-öz qapısına. Ronaldo, 72. Trinkao, 86; 91. Q.Ramos, 115 – Kristensen, 56. Eriksen, 76.
İlk oyun – 0:1
İspaniya – Niderland 3:3 (penaltilər 5:4)
Qollar: Oyarzabal, 8-pen; 67. Yamal, 103 – Depay, 54-pen. Maatsen, 79. X.Simons, 109-pen.
İlk oyun – 2:2
