AZ

UEFA Millətlər Liqasında yarımfinalçılar bəlli olur

Bu gün futbol üzrə UEFA Millətlər Liqasında 2024/2025-ci illər mövsümünün 1/4 final mərhələsinin cavab oyunları keçiriləcək.

Arena.az xəbər verir ki, qarşılaşmaların hamısı eyni günə təsadüf edəcək.

Bu mərhələdə yarışın A Liqasının 4 qrup qalibi və 4 qrup ikincisi növbəti dəfə üz-üzə gələcəklər.

1/4 finalın Fransa – Xorvatiya matçının nəticəsi bizim üçün də önəmlidir. Çünki bu komandalar hazırda Azərbaycan millisinin DÇ-2026-nın seçmə mərhələsində potensial rəqibidir. Bu cütün qalibi Ukrayna, İslandiya və Azərbaycan millisinin yarışacağı DÇ-2026-nın D qrupunun sonuncu – 4-cü komandası olacaq.

Xorvatiya millisi öz meydanında keçirilən görüşdə rəqibini 2:0 hesabı ilə məğlub edə bilib ki, bu da cavab matçından əvvəl onlara müəyyən üstünlük yaradıb.

Almaniya səfərdə məğlub etdiyi İtaliya millisini bu dəfə evdə sınağa çəkəcək. İspaniya yığması Niderland yığması ilə cavab görüşünü evdə keçirəcək. Portuqaliya yığması da səfərdə uduzduğu Danimarka seçməsini doğma meydanda məğlub etməyə çalışacaq.

UEFA Millətlər Liqası
1/4 finalın cavab oyunları
23 mart

23:45. Fransa – Xorvatiya
İlk oyun – 0:2

23:45. Almaniya – İtaliya
İlk oyun – 2:1

23:45. Portuqaliya – Danimarka
İlk oyun – 0:1

23:45. İspaniya – Niderland
İlk oyun – 2:2

Seçilən
84
arena.az

1Mənbələr