“Real”ın fransalı ulduz hücumçusu Kilian Mbappe, həmvətəni, “qaymaqlılar”ın keçmiş baş məşqçisi Zinəddin Zidan haqda söhbət açıb.
Arena.az AS dərgisinə istinadən, fransalı ulduzun bu barədə fikrini təqdim edir:
“Zidan hər bir uşağın kumiri olub. O, Fransa yığmasının tarixində silinməz iz qoyub və fransızların qələblərində əbədi qalacaq. Mənim ona sevgin danılmazdır. Əgər o, Fransa yığmasını çalışdırsa, bu, nəgəng zövq olacaq, mən çox xoşbəxt olacağam”, deyə Mbappe vurğulayıb.
Fransalı ulduz, Zidana bunca rəğbəti müqabilində, son vaxtlar fransalı mütəxəssisdən niyə uzaq qaçmasını da əsaslandırıb:
“Son vaxtlar mən Zidanla mütəmadi kəsişməməyə cəhd edirəm, belə ki, onun yığma komandaya təyinatı ilə bağlı ehtikarlığı qidalandırmaq istəmirəm”, – “Le Parisien” dərgisi Mbappedən sitat gətirir.
Xatırladaq ki, son vaxtlar, Fransa yığmasının çalışdırıcısı, fransız mütəxəssis Didye Deşamın 2026-cı il dünya çempionatının bitməsi ilə “xoruzlar”dan ayrılacağı və onun yerinə Zinəddin Zidanın gətiriləcəyi haqda şayiələr dolaşır. Zidanın özünün də müvafiq təyinatda maraqlı olduğu və bu səbəbdən məşqçilik fəaliyyətinə fasilə verdiyi vurğulanır.
Xatırladaq ki, fransalı mütəxssis 2021-ci ilin yayında “Real”ı tərk edəndən bəri, işsizdir.
“Real” Zinədin Zidanın peşəkar məşqçilik karyerasında ilk komanda olub və fransalı mütəxəssis “Real”la tarixi uğurlara imza atıb. Zidan 2016-2018 və 2019-2021-ci illərdə “Real”ın baş məşqçisi çalışıb. Buna qədər fransalı mütəxəssisin məşqçilik işində heç bir komanda ilə təcrübəsi olmayıb. Zinədin yalnız Madrid təmsilçisinin alt komandaları sistemində qısa müddət çalışıb. Zidanın məşqçilik debütü çox uğurlu olub.
Fransalı mütəxəssis “Real”da ilk mövsümündəcə (2015/2016) UEFA Çempionar Liqasının qalibi olub. Ardınca Zidan bu uğurunu daha iki dəfə təkrarlamağı bacarıb (2016/2017, 2017/2018). Beləliklə, Zidan Çempionlar Liqasının tarixində rekorda imza atıb. Zidana qədər heç kimə ardıcıl nəinki üç, hətta iki dəfə eyni komanda ilə Çempionlar Liqasını qazanmaq müyəssər olmayıb. Zidan “Real”la həmçinin hər biri ikiqat olmaqla İspaniya La Liqasını (2016/2017, 2019/2020), İspaniya Super Kubokunu (2017, 2019/2020), UEFA Super Kubokunu (2016, 2017) və FIFA Klub Dünya Kubokunu (2016, 2017) qazanıb.
