Türkiyənin Antalya şəhərində təlim-məşq toplanışında olan 21 yaşadək futbolçulardan ibarət Azərbaycan millisi (U-21) bu gün ilk sınağına çıxıb.
Arena.az xəbər verir ki, millimiz yeni baş məşqçi Ayxan Abbasovun rəhbərliyi altında ilk oyununda Moldovanın müvafiq yaş qrupundan ibarət kollektivi ilə qarşılaşıb.
“Cornelia” Futbol Mərkəzində təşkil olunan matç millimizin 2:0 hesablı qələbəsi ilə yekunlaşıb. Komandamızın heyətində qolları 18-ci dəqiqədə Oruc Məmmədov və 25-ci dəqiqədə Sadiq Şəfiyev vurublar.
U-21 millimizin start heyəti: 22. Xəyal Fərzullayev, 2. Raul Məmmədov, 5. Emin Rüstəmov, 20. Ayxan Süleymanlı, 3. Rüfət Abbasov, 17. Nihad Əhmədzadə, 24. Oruc Məmmədov, 8. Emil Süleymanov, 7. Murad Məmmədov, 10. Edqar Adilxanov, 19. Sadiq Şəfiyev.
Qeyd edək ki, Azərbaycan millisi hazırlıq çərçivəsində martın 25-də Şimali Makedoniya yığması ilə də yoxlama görüşü keçirəcək.
