Martın 23-də Ər-Riyadda keçirilən danışıqlarda Ukrayna və ABŞ nümayəndə heyətləri Qara dənizdə atəşkəsin əldə olunması və liman və çay infrastrukturunun bu rejimə daxil edilməsi imkanlarını müzakirə ediblər.
NOCOMMENT.az xəbər verir ki, bu barədə Ukraynanın “Rada” telekanalının efirində Vladimir Zelenskinin ofisinin müşaviri Sergey Leşenko məlumat verib.
“Biz ikitərəfli atəşkəsdən danışırdıq. Biz onların dənizdəki obyektlərinə, o cümlədən çay obyektlərinə hücum etmirik. Onlar bizim obyektlərimizə – Xerson, Nikolayev və böyük Odessa limanlarına hücum etmirlər”, – deyə o vurğulayıb.
Müşavirin sözlərinə görə, müzakirələr zamanı əsirlərin dəyişdirilməsinin mümkünlüyü də qaldırılıb. Leşçenko əlavə edib ki, müzakirələr texniki xarakter daşıyır və gələcək kommunikasiyalar “daha yüksək səviyyədə” aparılmalıdır.
