AZ

Nagelsman: “İtaliya yığmasına qarşı iki fərqli hissə keçirdik”

Almaniya yığmasının baş məşqçisi Yulian Nagelsman UEFA Millətlər Liqasının 1/4 finalının İtaliya millisi ilə cavab oyununu şərh edib.

Arena.az məlumat verir ki, səfərdə 2:1 hesablı qələbə qazanmış bundestim evdə 3:0 hesablı üstünlüyünü əldən verib 3:3 hesablı heç-heçə oynasa da, yarımfinala adlamağı bacarıb.

Yulian Nagelsman matçdan sonra keçirilmiş mətbuat konfransında bunları söyləyib:

“Düşünürəm ki, birinci hissə – mənim rəhbərliyim altında Almaniya yığmasının ən yaxşı kəsimi idi. Biz topa əla nəzarət edirdik, aqressiv surətdə müdafiə olunurduq və üç qol vurduq. İkinci hissədə dəyişikliklər etmək gərək oldu, belə ki, heç də hamı 90 dəqiqəni axıra qədər oynayıb başa vura bilmədi. Buraxdığımız ikinci qoldan sonra əsəbi vəziyyət yarandı. Ən böyük fəsad – geriyə çoxsaylı ötürmələrdir, hansı ki fasiləyə qədər yox idi”, deyə alman mütəxəssis oyunsonrası mətbuat toplantısında bildirib.

Yarışın yarımfinal mərhələsinə adlamış Almaniya yığmasının rəqibi Portuqaliya millisi olacaq.

Seçilən
76
arena.az

1Mənbələr