“Əl Nəsr”in portuqaliyalı hücumçusu Kriştiano Ronaldo Millətlər Liqasının 1/4 finalında Danimarka ilə cavab oyununda penalti zərbəsindən yararlana bilməyib.
Futbolpress.az xəbər verir ki, görüşün başlanğıcında bu fürsəti boşa verən ulduz futbolçu həmin epizodla bağlı fikirlərini bölüşüb:
“Qaçırılan penaltidən sonra belə – yalnız qol vurmağa çalışanlar qaçırırlar – mən hiss etdim ki, biz daha da irəli gedə bilərik”.
Oyunun sonunda portuqallar əlavə vaxtda 5:2 hesabı ilə qalib gəlib. Matçın əsas vaxtı 3:2 hesabı ilə başa çatsa da, ilk görüşdə danimarkalılar daha güclü olublar (1:0).
Qeyd edək ki, Ronaldo penaltidən yararlana bilməsə də matç içində komandasının 2-ci qolunu vurmağa müvəffəq olub.
