NOCOMMENT.az axşam.az-a istinadən “İftar menyusu”nu təqdim edir:
Tərəvəzli şorba
Ərzaqlar:
1/2 yerkökü (incə doğranmış)
1/2 balqabaq (incə doğranmış)
1/2 qırmızı bibər (incə doğranmış)
1 yaşıl bibər (incə doğranmış)
1 kiçik soğan (incə doğranmış)
4-5 göbələk (orta ölçülü doğranmış)
1/2 fincan noxud (qaynadılmış və ya konservləşdirilmiş)
2 xörək qaşığı yağ
1 xörək qaşığı kərə yağı
1,5 xörək qaşığı un
7 stəkan su (istəsəniz ət və ya toyuq da istifadə edilə bilərsiniz)
2 çay qaşığı duz
1/2 çay qaşığı qara bibər
1 qutu maye krem
Hazırlanması:
Qazana yağ əlavə edib yerkökünü bir az qovurub, soğan əlavə edin. Göbələkləri əlavə edib, qovurmağa davam edin. Bibərləri doğrayıb üzərinə tökün. Un əlavə edin və qovurmağa davam edin. Noxud əlavə edin və qarışdırın. Su, duz və istiot əlavə edin. Qaynayana qədər aşağı odda bişirin. Qaynayan şorbaya krem əlavə edin və qarışdırmağa davam edin. Süfrəyə suxarı ilə verə bilərsiniz.
Rulet formalı küftə
Ərzaqlar:
Küftə üçün:
1 kiloqram qitmə
2 ədəd soğan
1 stəkan çörək ovuntusu
2 ədəd yumurta
1/2 çay fincanı duru yağ
2 çay qaşığı duz
1 çay qaşığı qara istiot
1 çay qaşığı qırmızı bibər
İç üçün:
1 ədəd kök (uzun kəsin)
1 çay fincanı yaşıl noxud
5 ədəd bişmiş yumurta
Üzərinə sürtmək üçün:
1 ədəd yumurta ağı
Pomidor sousu üçün:
1/2 kiçik stəkan sürtkəcdən keçirilmiş pomidor
1 xörək qaşığı tomat pastası
1 çay qaşığı duz
Hazırlanması:
Yumurtaları sərtləşənə qədər qaynadın. Noxud və yerkökü 10 dəqiqə qaynadın. Soğan, yumurta, çörək qırıntıları, yağ, duz, qara bibər və qırmızı bibəri blenderdə əzin. Böyük qabda qiyməni soğan qarışığı ilə yaxşıca yoğurun. Yaxşı yoğrulmuş qiyməni soba kağızının üzərinə qoyun. Əti rulon formasında bükün və ortasında deşik açın. Hazırladığınız çuxura yerkökü, noxud və yumurta qoyun. Kıyılmış əti ehmalca rulon halına salın ki, içliyi örtsün.Üzerinə yumurtanın ağını sürtdükdən sonra kağıza bükün və kənarlarını bağlayın. Üzərini başqa bir kağızı və ya alüminium folqa ilə örtün və 190 dərəcə isidilmiş sobada 45 dəqiqə bişirin. Bir qabda tomat püresi, tomat pastası və duzu qarışdırın. 45 dəqiqədən küftəni sobadan çıxarıb, kağızı açıb üzərinə tomt sousunu tökün. 15 dəqiqə daha bişirin. Sobadan götürdükdən sonra dilimlərə kəsin və istəyə görə kartof püresi, qızartması, düyü ilə süfrəyə verin.
“Top” peçenye
Ərzaq:
Qatıq – 1 stəkan
Şəkər tozu – 1 stəkan
Fındıq – 1 stəkan
Yumurta – 1 ədəd
Yağ – 125 qr.
Vanil və qabartma tozu – 50 qr.
Un apardığı qədər
Hazırlanması:
Yumurta sarısı və şəkər tozunu qarışdırın. Üzərinə qatıq, yumşaldılmış yağ, vanil, qabartma tozu və apardığı qədər un əlavə edib, yumşaq xəmir hazırlayın. Xəmirdən qoz böyüklüyündə kündələr edin. Ayrıca qabda yumurtanın ağını çalıb, beze düzəldin. Yumruladığınız kündələri əvvəlcə bezeyə, sonrasa fındığa batırıb, sobada bişirin.
