Bakı, 25 mart, AZƏRTAC
Fransanın “Sud-Rail” həmkarlar təşkilatı 17 aprel-2iyun tarixlərində kütləvi tətillə bağlı bildiriş yayıb.
AZƏRTAC “Figaro”ya istinadla xəbər verir ki, bu dəfə dəmiryol nəzarətçiləri tətil edəcəklər. Pasxa bayramında, sərnişin sıxlığının maksimum olacağı dövrdə də tətil davam edəcək.
Həmkarlar təşkilatı bildirir ki, nəzarətçilər iş rejiminin yaxşılaşdırılımasını, iş qrafikinə ciddi əməl olunmasını və maaşların artırılmasını tələb edirlər.
Fransa Milli Dəmir Yolları Cəmiyyəti (SNCF) isə indiyədək kollektiv müqavilədən irəli gələn bütün öhdəliklərini yerinə yetirdiyini bildirib.
