ABŞ prezidenti Donald Tramp Ağ Evdə keçirdiyi mətbuat konfransında yaxın gələcəkdə Hyundai-ın ABŞ-ın istehsal sənayesinə 5,8 milyard dollar sərmayə yatıracağını açıqlayıb.
Marja.az-ın məlumatına görə, bu çərçivədə şirkətin Luizianada quracağı zavodda ildə 2,7 milyon tondan çox polad istehsal edəcəyini və 1400-dən çox insanı iş yeri ilə təmin edəcəyini qeyd edən Tramp, daha sonra daha da genişləndiriləcək obyektin Hyundai-nin ABŞ-dakı ilk polad zavodu olacağını qeyd edib.
Tramp bildirib ki, Hyundai Luizianada quracağı zavodunddan Alabama və Corciyadakı avtomobil və ehtiyat hissələri zavodları üçün polad tədarük edəcək və bu zavodlar tezliklə hər il ABŞ istehsalı olan 1 milyondan əddəddən çox avtomobil istehsal edəcək.
Bu sərmayənin tariflərin (gömrük rüsumlarının) işlədiyinin güclü göstəricisi olduğunu iddia edən Tramp, "Hyundai Amerikada polad istehsal edəcək, Amerikada avtomobil istehsal edəcək. Nəticədə heç bir tarif ödəmək məcburiyyətində qalmayacaqlar. Bilirsiniz, məhsulunuzu Amerikada istehsal edirsinizsə, heç bir tarif yoxdur, ona görə də bu qədər sərmayə gəlir" deyib.
Luizianadakı yeni polad zavodunun Hyundai-nin yaxın bir neçə il ərzində ABŞ-da yatıracağı 21 milyard dollarlıq sərmayənin bir hissəsi olduğunu deyən Tramp, şirkətin Corciyada avtomobil istehsalını da əhəmiyyətli dərəcədə artıracağını və qabaqcıl Amerika texnologiya şirkətlərinə milyardlarla dollar sərmayə qoyacağını bildirib.
Hyundai 3 milyard dollarlıq LNG alacaq
Hyundai-ın İdarə Heyətinin sədri Euisun Chung 1986-cı ildən bəri ABŞ-a 20 milyard dollardan çox sərmayə yatırdıqlarını, birbaşa və ya dolayı yolla 570 mindən çox iş yerini yaratdıqlarını bildirib.
Qarşıdakı 4 ildə ABŞ-a 21 milyard dollarlıq yeni investisiya yatıracaqlarını açıqlayan Chung, bunun ABŞ-da indiyə qədər yatırdıqları ən yüksəkməbləğli sərmayə olacağını söyləyib.
Həmçinin Chung, ABŞ-dan 3 milyard dollar dəyərində mayeləşdirilmiş təbii qaz (LNG) alacaqlarını qeyd edərək, "Bütün bu səylər ABŞ-dakı tədarük zəncirimizin lokallaşdırılmasını sürətləndirəcək, əməliyyatlarımızı genişləndirəcək və Prezident Trampın rəhbərliyi altında Amerika işçi qüvvəmizi artıracaq" deyib.
