Ər-Riyadda Ukrayna və ABŞ nümayəndə heyətləri Qara dənizdə 30 günlük atəşkəs və enerji infrastrukturuna zərbələr barədə müzakirələr aparır.
NOCOMMENT.az xəbər verir ki, bu barədə məlumatlı mənbəyə istinadən Bloomberg məlumat yayıb.
Qeyd olunur ki, söhbət danışıqların yeni raundundan gedir. Bundan əvvəlki Amerika-Ukrayna görüşü martın 23-də baş tutub.
Qeyd edək ki, martın 24-də Rusiya və ABŞ nümayəndə heyətləri Səudiyyə Ərəbistanının paytaxtı Ər-Riyadda Ukraynadakı münaqişənin həlli ilə bağlı danışıqlar aparıblar və danışıqların mərkəzi mövzusu Qara dənizdə gəmiçilik təhlükəsizliyinin təmin edilməsi elan edilib. Atəşkəs və infrastrukturun qorunmasının da müzakirə edildiyi görüş ümumilikdə 12 saat davam edib. Nümayəndə heyətlərinin yekun bəyanatı martın 25-də gözlənilir.
