Səfir Boris Qrızlov bəyan edib ki, Rusiya Belarusa öz ərazisi ilə eyni səviyyədə təhlükəsizlik təmin edir.
NOCOMMENT.az xəbər verir ki, diplomatın müvafiq şərhi RT Telegram kanalında dərc olunub.
“Martın 13-də Moskvada [Belarus Prezidenti] Aleksandr Lukaşenko ilə [Rusiya Prezidenti] Vladimir Vladimiroviç Putin arasında keçirilən görüşdə təhlükəsizlik zəmanətləri haqqında saziş üzrə ratifikasiya sənədlərinin mübadiləsi aparılıb. Rusiya özü üçün olduğu kimi Belarusa da eyni təhlükəsizlik qalxanı təmin edir”, – Qrızlov bildirib.
O qeyd edib ki, iki ölkənin regional qoşun qrupu, birgə hava hücumundan müdafiə və hava sərhədi patrulları var. Diplomatın sözlərinə görə, lazım gələrsə, Belarusda yerləşdirilən taktiki nüvə silahlarından istifadə oluna bilər.
