Ər-Riyadda Rusiya və ABŞ nümayəndə heyətləri Qara dənizdə atəşkəs və 30 gün ərzində enerji infrastrukturuna zərbələr endirilməsi məsələsini müzakirə ediblər.
NOCOMMENT.az xəbər verir ki, bu barədə mənbəyə istinadən Bloomberg məlumat yayıb.
Agentlik qeyd edir ki, Ukrayna və ABŞ 30 gün ərzində Qara dənizdə atəşkəs və enerji infrastrukturuna hücumlara son qoyulmasını müzakirə edir.
“Bazar ertəsi Amerika nümayəndə heyəti bazar günü ukraynalılarla görüşdükdən sonra rusiyalı həmkarları ilə eyni mövzularda 12 saatdan çox danışıqlar aparıb”, – məlumatda deyilir.
Martın 24-də Rusiya və ABŞ nümayəndə heyətləri Səudiyyə Ərəbistanının paytaxtı Ər-Riyadda Ukraynadakı münaqişənin həlli ilə bağlı danışıqlar aparıblar və danışıqların mərkəzi mövzusu Qara dənizdə gəmiçilik təhlükəsizliyinin təmin edilməsi elan edilib. Atəşkəs və infrastrukturun qorunmasının da müzakirə edildiyi görüş ümumilikdə 12 saat davam edib. Nümayəndə heyətlərinin yekun bəyanatı martın 25-də gözlənilir.
