"Barselona"nın yarımmüdafiəçisi Pedri komandanın təcrübəli qapıçısı Voytsex Şensnıdan danışıb.
Fanat.Az İspaniya millisinin futbolçusunun sözlərini AS belə çatdırıb:
"Onun "Barselona"da qalmasını istəyərdim, çünki Voytsex çox xoşuma gəlir. O, maraqlı oğlandır. Voytsexə qol vurmaq da çox çətin, təzyiq etmək isə mənasızdır. Onunla vaxtım şən keçir. Şadam ki, komandamızın bir parçasıdır"
Qeyd edək ki, cari mövsüm bütün turnirlərdə 16 matça çıxan Şensnı bu qarşılaşmalardan 8-də qapısını toxunulmaz saxlayıb. Polşalı "çərçivə" qoruyucusunun "blauqrana" ilə müqaviləsinin müddəti bu ilin yayında başa çatacaq.
Nihat
