“Dünyanın yarısı Belarus “diktaturası”nı – insanların real əməllərinin və maraqlarının diktaturasını arzulayır”.
Bizim.Media BELTA-ya istinadən xəbər verir ki, bunu Belarus Prezidenti Aleksandr Lukaşenko martın 25-də Müstəqillik Sarayında keçirilən andiçmə mərasimində bildirib.
“Bizdə söz azadlığı ilə bağlı hər şey yaxşıdır. Bizdə demokratiya özünü demokratiya standartı adlandıranlardan daha çoxdur".
Aleksandr Lukaşenko vurğulayıb ki, Belarusda hər kəsin konstitusion hüquqları və öz sözünü demək imkanı var:
"Amma belaruslar tərəfindən yaradılan hər şeyi məhv etməyə çağırmağa ehtiyac yoxdur. Biz söz azadlığından öz ölkəmizi məhv etmək üçün bir klub kimi istifadə olunmasına imkan verməyəcəyik. Bunun nələrə gətirib çıxara biləcəyini görürük”.
Qeyd edək ki, bu gün Belarus Respublikasının yeni seçilmiş Prezidenti Aleksandr Lukaşenkonun andiçmə mərasimi keçirilib.
Bizim.Media
Nə baş verir?
