İspaniya nəhəngi “Real”ın baş məşqçisi Karlo Ançelotti geridə qalmış 2023/2024-cü illər mövsümünün ən yaxşı italyan məşqçisi seçilib.
Arena.az bu barədə İtaliya Furbol Federasiyasının (FIGC) rəsmi saytına istinadən məlulmat verir.
Ötən mövsüm Ançelotti “Real”a İspaniya La Liqasını və Çempionlar Liqasını qazandırıb.
Xatırladaq ki, Karlo Ançelottinin “Real”la ilk macərası 2013-2015-ci illəri əhatə edib. Daha sonra 2021-ci ildə “Kral klubu”na geri qayıdaraq, Ançelotti indiyədək “qaymaqlılar”ı çalışdırır. Karlo Ançelottinin İspaniya nəhəngi ilə müqaviləsinin müddəti 2026-cı ilin iyun ayının sonuna qədər qüvvədədir.
Rəhbərliyi müddətində Ançelotti “Real”ı 339 oyuna çıxarıb, 245 qələbə, 47 heç-heçə, 47 məğlubiyyət yaşayıb. İtalyan mütəxəssisin rəhbərliyi altında “qaymaqlılar”ın top fərqi isə 820:326 nisbətindədir.
Təcrübəli mütəxəssisin rəhbərliyi altında “Real”ın qazandığı qalibiyyətlərə İspaniya La Liqası (2021/2022, 2023/2024), İspaniya Kral Kuboku (2013/2014, 2022/2023), İspaniya Super Kuboku (2021/2022, 20223/2024), Çempionlar Liqası (2013/2014, 2021/2022, 2023/2024), UEFA Super Kuboku (2014, 2022, 2024) və FIFA Klub Dünya Kuboku (2014, 2022) və FIFA Qitələrarası Kubok (2024) daxildir.
65 yaşlı Karlo Ançelottinin məşqçilik məktəbindən həmçinin “Everton”, “Napoli”, “Bayern”, PSJ, “Çelsi”, “Milan”, “Yuventus”, “Parma” və “Recana” keçiblər.
Ançelottinin “Real”ı 28 oyundan 60 xalla İspaniya La Liqasının yarış cədvəlinin 2-ci pilləsində qərarlaşıb.
