Yunanıstan yığmasının 17 yaşlı hücumameyilli yarımmüdafiəçisi Konstantinos Karetsas UEFA Millətlər Liqasının mütləq rekordçusu olub.
Arena.az məlumat verir ki, yeniyetmə futbolçu yarışın “A” və “B” liqalarının ələmə mərhələsi çərçivəsində səfərdə Şotlandiya yığması ilə oyunda (3:0; ilk oyun 0:1) qolla fərqlənib.
Beləliklə, Karetsas UEFA Millətlər Liqasında qol vurmuş ən gənc oyunçu ünvanına sahib olub. O, “Tartan ordusu”nun qapısına 17 yaş 124 günlüyündə yol tapıb.
Əlavə edək ki, həmin gün, mart ayının 23-də “Barselona”nın yeniyetmə sağ cinah hücumçusu Lamin Yamal, yarışın 1/4 finalının Niderland yığması ilə Valensiyada keçirilmiş cavab oyununda (3:3, penaltilərlə 5:4; ilk oyun 2:2) “qırmızı qəzəb”in qollarından birinə imza atıb. Yamal 17 yaş 253 günlüyündə olub.
Əvvəlki rekord isə “Barselona”nın ispan mərkəz yarımmüdafiəçisi Qaviyə məxsus idi – 17 yaş 304 gün.
