Hazırda martın 13-də razılaşdırılmış sülh sazişinin imzalanma müddəti və yeri ilə bağlı dəqiq anlaşma yoxdur.
Musavat.com “Sputnik Armenia”ya istinadən xəbər verir ki, bu barədə Ermənistanın xarici işlər naziri Ararat Mirzoyan iranlı həmkarı Abbas Əraqçi ilə keçirdiyi brifinqdə deyib.
Onun sözlərinə görə, Bakı sazişin imzalanması üçün müəyyən ilkin şərtlər irəli sürür.
"Bakı sazişin imzalanması üçün müəyyən ilkin şərtlər irəli sürür. Buna baxmayaraq, danışıqları davam etdirmək, qarşılıqlı məqbul və layiqli həll yolları tapmaq vacibdir", - deyə o bildirib.
Musavat.com
