Almaniyanın keçmiş xarici işlər naziri Ziqmar Qabriel ABŞ-ın daha çox orta mənzilli raketlərinin Avropada yerləşdirilməsinə çağırıb. O bildirib ki, Rusiyaya qarşı tərksilah tədbirləri təklif edilməlidir.
Bizim.Media xəbər verir ki, bu barədə Rheinische Post nəşri yazıb.
Sabiq nazirin sözlərinə görə, Amerikanın orta mənzilli raketlərinin yerləşdirilməsi üçün tədbirlər təkcə Almaniyada görülməməlidir:
"Mən də 1980-ci illərdə olduğu kimi Rusiya üçün paralel silahsızlaşdırma təklifi görmək istərdim. əgər Rusiya artıq yerləşdirdiyi orta mənzilli raketlərini geri çəkməyə hazırdırsa, əvəzində biz onları yerləşdirməkdən çəkinə bilərik. Avropada yenidən silahlanma kursunu davam etdirib-etdirməməyimiz Rusiyadan asılıdır", - Qabriel deyib.
Xatırladaq ki, keçən il iyulun 10-da Vaşinqton və Berlin birgə bəyanat yayaraq, ABŞ-ın Almaniyada hipersəs silahları da daxil olmaqla yeni daha uzun mənzilli silahları yerləşdirməyə başlayacağını bildirib.
Bizim.Media
Nə baş verir?
