"Real" "Liverpul"un müdafiəçisi Trent Aleksander-Arnold ilə razılığa gəlib.
QOL.az xəbər verir ki, bu barədə Britaniya mətbuatı məlumat yayıb. 26 yaşlı futbolçu Madrid təmsilçisi ilə 5 illik müqavilə imzalayacaq. O, kluba iyulun 1-də azad gent kimi keçəcək.
Qeyd olunur ki, “Real” Aleksandr-Arnolda hər mövsüm üçün təxminən 15 milyon avro və bonuslar verəcək. Onun "Liverpul"dakı qazancı isə illik 11 milyon avrodur.
Aleksandr-Arnold 2016-cı ilin yayından "Liverpul"da çıxış edir. O, bu müddət ərzində 349 oyuna çıxıb, 22 qol vurub və 87 məhsuldar ötürmə verib.
Daha əvvəl "mersisaydlılar"ın Trentlə yeni müqavilə üçün razılaşa bilmədikləri yazılmışdı.
