Novruz bayramında evinə dönən 18 Azərbaycan vətəndaşından biri xaçmazlıdır.
Eritreyada saxlanılan "Pəhləvan"gəmisindəki 18 Azərbaycan vətəndaşı artıq Azərbaycana gətirilib.
Keçən il sentyabrın 19-da Bakıdan Fars körfəzinə yola düşən gəmi noyabrın 7-də Eritreya sahillərində saxlanılmışdı. Gəmidə olan Azərbaycan vətəndaşları dövlət başçısının tapşırığına əsasən Vətənə gətirilib.
Xarici İşlər və Rəqəmsal İnkişaf və Nəqliyyat nazirliklərinin ,həmçinin "Azərbaycan Xəzər Dəniz Gəmiçiliyi" QSC-nin birgə apardığı işlər sayəsində saxlanılan gəmi heyəti artıq Azərbaycandadır.
Gətirilən 18 Azərbaycan vətəndaşından biri də 37 yaşlı Xaçmaz sakini Saleh Vələdovdur.
Salehin ailə üzvləri 4 aydan sonra evə qayıtmasını çox sevinc hissilə qarşılayıblar və əməyi keçən bütün dövlət qurumunlarına, xüsusən Azərbaycan Prezidenti İlham Əliyevə minnətdarlıqlarını bildiriblər.
Aytəkin Alxaslı, Bizim.Media, Şimal bürosu
Nə baş verir?
