Birləşmiş Millətlər Təşkilatının Uşaq Fondunun (UNICEF) Yəmən nümayəndəsi Peter Havkins Yəməndə 10 ildən artıqdır davam edən müharibənin faciəvi dönüş nöqtəsinə çatdığını qeyd edib.
“Cebheinfo.az” “Anadolu” agentliyinə istinadən xəbər verir ki, Peter Havkins bu münaqişənin uşaqların gələcəyini oğurladığını və bir nəsli yaşamaq üçün mübarizə aparmağa məcbur etdiyini bildirib.
Ölkədə artan aclıq və digər böhranlara işarə edən Havkins, "5 yaşınadək hər 2 uşaqdan 1-i kəskin qida çatışmazlığından əziyyət çəkir.
“Onların arasında 537 mindən çoxu ağır kəskin qida çatışmazlığından əziyyət çəkir. Bu vəziyyət ağrılı, həyati təhlükə yaradır və tamamilə qarşısı alına bilən haldır. Qidalanma immunitet sistemini zəiflədir, onların böyüməsinə maneçilik törədir, sadəcə olaraq, uşaqların sağlamlığında potensial böhran deyil. Minlərlə insan üçün ölüm hökmü deməkdir”, - deyə o bildirib.
UNİCEF-in məlumatına görə, ölkədə 1,4 milyon hamilə və süd verən qadının qidalanmaması da narahatlıq doğurur. Bunun təsirinin nəsillər boyu hiss olunacağı qeyd edilib.
"Bu fəlakət təbii deyil, texnogendir. 10 ildən çox davam edən qarşıdurma Yəmənin iqtisadiyyatını, səhiyyə sistemini və infrastrukturunu məhv edib. Əhalinin yarıdan çoxu sağ qalmaq üçün humanitar yardıma arxalanır. 2015-ci ildən bəri ərzaq qiymətləri 300 faiz artıb", - deyə P.Havkins əlavə edib.
